Янғында меңләгән ҡош-ҡорт янып үлгән

Рәсәй Ғәҙәттән тыш хәлдәр министрлығының янғын һүндереүселәре шәхси ҡошсолоҡ фермаһындағы янғынды һүндергәндәр. 

Янғын Кушнаренко районының Мәмәк ауылында булған. Янғын 150 кв метр майҙандағы  таҡта ҡаралты-ҡураға зыян һалған.

Шәхси ҡошсолоҡ фермаһы хуҗаһы һүҙҙәре буйынса, янған аҙбарҙа барлығы 3 меңгә яҡын  үрҙәктәр, ҡаҙҙар һәм тауыҡтар булған. Уларҙың өстән бер өлөшө янған, ҡалғандарын ҡотҡарып өлгөргәндәр.

Әлеге ваҡытта янғындың сәбәптәре асыҡлана.

Башинформ.