Вилнур менән Руся "Башҡорт аты"на юлланды

Ауырғазы районының Төрөмбәт ауылынан Вилнур Ғәлимов “Руся” ҡушаматлы аты менән «Башкорт аты» халыҡ-ара фестивалендә “Ылаҡ” уйынында ҡатнаша.

Бына нимә яҙалар уның тураһында: “Вилнур аңлатыуынса, Руся Рәсәй көнөндә тыуған, шуға ла атҡа ошондай ҡушамат бирелгән. Ошондай төҫлө ат тураһында Вилнур бала саҡтан хыялланған.

- Уны күргәс тә, хужаларынан һатыуҙарын һораным. Тик улар ризалашманы.

Вилнурҙың, әлбиттә, күңеле кителә, шулай ҙа бер аҙҙан ул ошо аттың – Русяның – хужаһы була”.

Шуныһы ҡыҙыҡ: үткән йылда бер делегация вәкилдәре Вилнурҙан атын 500 меңгә һатыуын һорайҙар, тип яҙа журналистар. Вилнур ризалашмай, тип белдерә "Молодежная газета"

resbash.ru