«Геройҙар дәүере. Шайморатовҡа – 125» телемарафоны Башҡортостан менән Донбасты берләштерә

«Салауат тоҡомдары сигенә белмәй!» Генерал Шайморатовтың ҡанатлы һүҙҙәре бөгөн дә актуаль. Миңлеғәле Шайморатовтың тыуған көнөндә Башҡортостан юлдаш телевидениеһы эфирында легендар комдив һәм 112-се Башҡорт кавалерия дивизияһының тормошо тураһында программалар, махсус хәрби операция зонаһынан Бөйөк Ватан һуғышы яугирҙәренең батырлығын дауам итеүселәр менән интервью, Донбасс тураһында сюжеттар, контрактсылар һәм махсус хәрби операция ветерандары менән әңгәмәләр, хәрби хеҙмәткәрҙәргә һәм уларҙың ғаиләләренә төбәк һәм федераль түләүҙәр тураһында һөйләйҙәр. Телемарафон ваҡытында республиканың хәрби комиссариаты, «Ватанды һаҡлаусылар» фонды, Башҡортостандың ситуация үҙәге, предприятие һәм ойошма етәкселәре менән тура бәйләнештәр планлаштырыла.

Башҡортостанда контрактсыларға бер тапҡыр бирелә торған түләүҙәр 1 миллион 205 мең һумға тиклем артты. Телемарафонда шулай уҡ контрактсылар өсөн яңы льготалар, түләүҙәр тураһында мәғлүмәт бирелә. Ысын ир-егеттәр эше, заманыбыҙ геройҙары тураһында һөйләүгә айырыуса иғтибар бүленә.

Махсус хәрби операция темаһы Башҡортостан юлдаш телевидениеһы өсөн өҫтөнлөклө булып ҡала. Әлеге ваҡытта ике ижади төркөм алғы һыҙыҡта. Каналда «Ватанды һаҡлаусылар» тигән яңы программа старт алды. «Үҙебеҙҙекеләрҙе ташламайбыҙ», «Әсәй», «Һалдаттарға хаттар», «Геройҙар дәүере» телепроекттары тамашасылар күңеленә хуш килде.

Күренекле композитор Заһир Исмәғилев билдәле шағир Ҡадир Даян шиғырына ижад иткән «Шайморатов генерал» йыры күптән халыҡсан йыр булып китте. Беренсе фонограмма Ғабдрахман Хәбибуллин башҡарыуында 1942 йылда яҙҙырыла. Телемарафон барышында был йыр төрлө йылдарҙағы йырсылар башҡарыуында яңғырай.

https://www.bashinform.ru