Хеҙмәт тәрбиәһе һалынған

Ҡояшлы һауа торошо торғанда, һәр кем үҫтерелгән йәшелсә-емеште йыйып ҡалырға тырыша. Дим урта мәктәбе яны участкаһында 5-11-се класс уҡыусылары һәм хеҙмәткәрҙәр коллективы бәрәңге һәм сөгөлдөр, кишер кеүек йәшелсәләрҙе йыйҙы. Тырыш хеҙмәттең һөҙөмтәһе - быйыл бар нәмә лә ишелеп уңған. Дөйөм тырышлыҡ менән 1200 килограмм бәрәңге йыйып алынған, ә кәбеҫтә бер аҙ һуңыраҡ алынасаҡ. 

 Мәктәп баҡсаһында үҫтерелгән картуф, йәшелсәләр йыл әйләнәһенә балаларҙы ашатыуға етә, ашнаҡсылар балаларҙы тәмле аштар һөм төрлө салаттар менән һыйлаясаҡ. Ғалимдар ҙа бит үҙебеҙҙең ерлектә үҫтерелгән йәшелсә, емеш-еләкте ашау күпкә яҡшыраҡ, тип иҫбатлай. 

Фотолар: Дим урта мәктәбе сайтынан.