Сентябрь айына халыҡ һынамыштары

Ғүмер-ғүмергә алдағы һауа торошоноң ниндәй булырын халыҡ тәбиғәт һынамыштары аша юраған. Уларға бер аҙ күҙ һалайыҡ. Тап килерме-юҡмы икәнен бергәләп күҙәтәйек.

Сентябрҙә күк күкрәһә - көҙ йылы, ҡаш ҡарлы булыр.

Сентябрь йылы һәм ҡоро булған һайын, ҡыш һуңғараҡ килә.
Сентябрь һалҡын булһа – ҡышын ҡар тиҙерәк ирей, яҙ тиҙерәк килә.

Япраҡтар ҡойолорға ашыҡмаһа – алда зәһәр ҡыш көтөлә.

Әгәр сентябрҙә имән ағасында үрмәкестәр күп булһа – Раштыуа алдынан бурандар булыр.

Әгәр көҙөн ҡайын япраҡтары ағасының осонан һарғая башлаһа – яҙ иртә, ә аҫтан һарғая башлаһа һуң килер.

Сентябрҙә ҡырмыҫҡалар үлән өҫтөнән йүгерешеп йөрөһә - ҡар тәрән булып ятыр. Аҫтан йөрөһә - ҡыш оҙон булыр.

Торналар өҫтән осһа – матур, йылы көҙ оҙаҡ торор.

Ә хәҙер һәр көнгә ҡарата һынамыштар:

10 сентябрҙә үрмәкестәр күп күренһә - ҡыш ҡарлы һәм һыуыҡ булыр.

11 сентябрҙә торналар йылы яҡҡа китһә - ҡыш иртә килер.

14 сентябрҙә ҡояш ҡыҙарып байыһа – көндәр һыуытыр.

16 сентябрҙә иртән томан төшһә - ҡоро, аяҙ көндәргә ишара.

18 сентябрҙә урманда миләш әҙ икән – октябрь ҡоро, күп булһа – яуымлы килер.

19 сентябрҙә иртән ағастарҙа бәҫ күренһә - ҡыш ҡарлы булыр.

20 сентябрҙә шыршы тубырсыҡтары күп булһа – киләһе йылда иген культураһы, борсаҡ һәм ҡыяр уңыр.

21 сентябрҙә ҡуяндар тунын алмаштыра башлаһа – тиҙҙән ҡыш етә тигән һүҙ.

22 сентябрҙә серәкәйҙәр күренһә - ҡыш йылы килер.

24 сентябрҙә ҡырмыҫҡалар ояларын бейек итеп өйһә - ҡыш һыуыҡ булыр.

28 сентябрҙә торналар киткәндән һуң, өс аҙнанан һуң һыуыҡтар башланыр.

29 сентябрҙә йылы яҡҡа китмәгән сыйырсыҡтарҙы күрһәгеҙ – октябрь йылы килер.

30 сентябрҙә тормналар осһа – рустарҙың Покрау көнө (14 октябрь) һыуыҡ булыр.

Сентябрь айына халыҡ һынамыштары

Автор:

Читайте нас:

Новости партнеров

Телефон

8(34743) 2-11-92

Адресы

452040, РБ, Бижбулякский район, с.Бижбуляк, ул. Советская, 31

Реклама хеҙмәте

8(34743) 2-12-83

Редакция

8(34743) 2-11-92

Ҡабул итеү бүлмәһе

8(34743) 2-12-82

Кадрҙар бүлеге

8(34743) 2-12-83