Башҡортостанда «Рәхмәт» акцияһында кемдәрҙең суперприз отоуы билдәле булды

Бөгөн, 13 сентябрҙә, БСТ телеканалының«Сәләм» тапшырыуы тура эфирында ун суперприз уйнатылды. Ойоштороусыларҙың мәғлүмәттәре буйынса, Башҡортостан ял базаһында ғаилә менән ял итеү өсөн турҙы БЦ (031589) билеты отто. Сочиҙа ғаилә ялы өсөн сертификат ТМ (112642) билеты хужаһына юллана. Дүрт квадроциклды —  КЛ (015199), ИЛ(091326), АБ(035754), СТ(042614) билеттары, «Нива» автомобилен КТ(050804) билеты отто. ЧМ (051000), БР(039052), БЖ (063369) билеттарын теркәгән ҡатнашыусылар «Novaland» торлаҡ комплексында яңы фатирға эйә булды. Тиҙҙән ойоштороусылар еңеүселәр шылтыратып, приздарҙы нисек алыу хаҡында хәбәр итергә тейеш.

Бынан алдараҡ Башҡортостанда «Приздар төнө» еңеүселәре иғлан ителде. Бәхетлеләр 8 сентябрҙә киске сәғәт 9-ҙа билдәләнде. 130 яҡташыбыҙ суперприздар алды.

https://www.bashinform.ru