Тарих уҡытыусыһы — айырым һәләт

Ваҡыт уҙыу менән мохтажлығы кәмегән һөнәрҙәр бар, шулай уҡ актуаллеген юғалтмағандары ла бар. Педагогтар, уҡытыусылар, — hәр ваҡыт кәрәкле белгестәр. Тарих уҡытыусыһы — үҙенсәлекле hөнәр, сөнки был фән үҙенә  күрә  ауыр, ләкин бик мауыҡтырғыс. Педагог бихисап тарихи даталарҙы hәм ваҡиғаларҙы белеп кенә ҡалмайынса, үҙенең белемен уҡыусыларына ла һәр кем файҙалана алырлыҡ итеп тапшырырға тейеш.
Бишбүләк ауылының 2-се урта мәктәбендә юғары категориялы уҡытыусы Ирина Геннадиевна Игнатьева 25 йылдан артыҡ тарих фәнен уҡыта, уның дөйөм педагогик эш стажы — 32 йыл.
Ирина Геннадиевна — тәжрибәле, намыҫлы, талантлы, ижади уҡытыусы. Ул тарихты белмәйенсә булмағанын аңлай һәм башҡаларға өйрәтә. Илебеҙ тормошонда ҡатнашыу бик мөhим, шуға күрә уның уҡыусылары һәр ваҡыт дәрестәргә етди әҙерлeнә, кластан тыш сараларға ижади ҡарай, тикшереү заданиеларын үтәгәндә инициатива күрһәтә. Уның уҡыусылары «Ватан», «Мәктәп уҡыусылары фәндәренең кесе академияһы», «Мин хәтерләйем, мин горурланам», Ю.А. Гагарин исемендәге кубок h.б конкурстарҙың муниципаль hәм региональ этаптарында еңеүселәр һәм призерлар булды.

Ирина Геннадиевна — Бөйөк Ватан һуғышы тарихына бағышланған Бөтә Рәсәй Еңеү диктанттарын даими ойоштороусы, МХОла ҡатнашыусы яҡташтарыбыҙға бағышланған ҙур эш алып бара, уҡыусыларға патриотик тәрбиә биреү буйынса төрлө дөйөм мәктәп саралары үткәрә. Дәрестәрҙә уҡыусылар  менән бергә «Мөhим әйберҙәр тураһында һөйләшеүҙәр» ваҡытында улар дoнъяла бөгөн барған глобаль процестар тураһында фекер алышалар. Патриотлыҡ, гражданлыҡ,
теләктәшлек — был төшөнсәләр күп дәрестәрҙә, айырыуса тарихта төп урынды алып тора. Уҡытыусы илебеҙҙең нигеҙе  - бай ресурстар hәм иҫ киткес кешеләр икәненә, hәм киләсәк быуындың бар энергияһы илебеҙҙе, Рәсәйҙе нығытыуға йүнәлтелгән булыуы бик мөһимбулыуына өйрәтә.
Ирина Геннадиевна бер урында ғына тормай, ул әле «Инглиз теле уҡытыусыһы» булараҡ та, башланғыс кластарҙа сит тел дәрестәрен уҡыта. Бер нисә йыл ул район тарих уҡытыусылары методик берләшмәенең етәксеһе булып тора, ҙур методик эш алып бара.
Ирина Геннадиевна мәктәптә эшләгән йылдарында класс етәксеһе ла булып тора. Мәктәптә утыҙ йыл эшләүсе тарих уҡытыусыһы, мoғайын, үҙе лә бер аҙ тарихи
персонажға әүереләлер. Һәр хәлдә, уны күп йылдар иҫтә тотҡан уҡыусылары уға рәхмәт һүҙҙәре яҙа һәм ҡасандыр тап бына уның дәрестәре тормошта үҙ урынын табырға ярҙам итеүен билдәләй.

Ысын уҡытыусы булыу өсөн кешеләрҙе яратырға, кешелекле булырға һәм бөтә булмышыңды уларға бағышларға кәрәк. Ҡыҙыҡлы була белеү, балаларға лайыҡлы үрнәк күрһәтеү мөhим, ә бының өсөн үҙ-үҙеңде юғары дәрәжәгә ҡуйырға кәрәк. Намыҫ менән эшләү, мауығып, заман менән бергә атлау — ысын педагог эшләргә тейеш булған бәләкәй нәмә. Ирина Геннадиевна Игнатьевнаны шундай педагог, тип атап була.
Елена ФИЛИППОВА,
Бишбүләк ауылының 2-се урта мәктәбе директоры.
Фото Ирина Игнатьеваның шәхси архивынан.