Бишбүләк районында яңы Мәҙәниәт йорто асыла

Башҡортостандың Бишбүләк районы Ҡошйылға ауылында яңы Мәҙәниәт йорто асылыуы көтөлә. Ул урындағы халыҡ өсөн мәҙәни тормош үҙәге буласаҡ. Проект "Мәҙәниәт" милли проектының "Мәҙәни мөхит" федераль проекты сиктәрендә тормошҡа ашырылды.

Мәҙәниәт йортоноң мөһим өлөшө булып заманса китапхана торасаҡ, ул халыҡҡа төрлө китаптар тәҡдим итәсәк, мәғлүмәт ресурстары менән ҡулланыуҙы тәьмин итәсәк, бәләкәй уҡыусылар өсөн саралар үткәрәсәк. Китапхана уҡыу урыны ғына булып ҡалмаясаҡ, шулай уҡ белем биреү программалары, лекциялар һәм авторҙар менән осрашыуҙар өсөн майҙансыҡҡа әйләнәсәк.

“Беҙҙең учреждение саралар уҙғарыу урыны булыуҙан тыш, белем һәм ижад үҙәге лә буласаҡ. Беҙ төрлө оҫталыҡ дәрестәре, күргәҙмәләр һәм концерттар ойошторорға уйлайбыҙ. Китапханала үҙ үҫеше өсөн әҙәбиәт һәм мәғлүмәт менән танышыу мөмкинлеге бар. Мәҙәниәт йорто менән китапхана ауылдың йөрәгенә әйләнеп, мәҙәни алмашыуға һәм урындағы берләшмәне үҫтереүгә булышлыҡ итәсәк”, - тип билдәләне Бишбүләк районы хакимиәтенең мәҙәниәт, йәштәр сәйәсәте, спорт һәм йәмәғәт берекмәләре менән үҙ-ара килешеп эш итеү бүлеге етәксеһе Елена Арефьева.

Билдәле булыуынса, “Мәҙәниәт” (национальный проект “Культура”) милли проекты Рәсәй Президенты Владимир Путиндың май указы менән булдырылды.

Фото: Бишбүләк районы хакимиәте.

bashgazet.ru