Маҡсат күрһәткестәренә өлгәшелгән

2019 йылдан Башҡортостан Республикаһы Стәрлетамаҡ ҡалаһында "Хәүефһеҙ сифатлы юлдар" милли проектын тормошҡа ашырыу сиктәрендә 72,5 километрҙан ашыу урам-юл селтәре яңыртылды. Түңәрәк әйләнәле хәрәкәт менән ике юл саты реконструкцияланды, 46 светофор объекты ҡуйылды һәм реконструкцияланды, ете йәйәүлеләр үткәүелендә гобопроекторҙар монтажланды. Быйыл Артём урамында Т-рәүешендәге киҫелештә аҡ ай кешеле мәғлүмәт секциялары менән беренсе светофор эшләй башланы.

Шулай уҡ күрһәтелгән осорҙа ҡалала юл билдәләре, ҡоймалар ҡуйыу буйынса эштәр башҡарылған, 12 йәйәүлеләр үткәүеле өҫтәмә яҡтыртылған һәм башҡа эштәр башҡарылған.

“Хәүефһеҙ сифатлы юлдар” милли проектының төп маҡсаты – халыҡтың йәшәү сифатын арттырыу. 2024 йылда Стәрлетамаҡ агломерацияһында башҡарылған ремонт һөҙөмтәләре буйынса юл селтәре оҙонлоғоноң өлөшө уларҙың Стәрлетамаҡ ҡалаһы ҡала округы буйынса транспорт-файҙаланыу торошона ҡарата норматив талаптарға тап килгән 77,7 процент тәшкил итә, был ғәмәлгә ашырылған проект күрһәткесенә өлгәшеүҙе күҙ уңында тота.

“Хәүефһеҙ сифатлы юлдар” милли проекты (национальный проект "Безопасные качественные дороги") “2030 йылға тиклемге осорға Рәсәй Федерацияһын үҫтереүҙең милли маҡсаттары һәм стратегик бурыстары тураһында” ил Президенты Владимир Путиндың Указы положениеларын үтәү маҡсатында Рәсәйҙең Транспорт министрлығы тарафынан әҙерләнгән. Милли проекттың масштабы бөтә илде солғап ала, унда Рәсәйҙең 84 субъекты ҡатнаша.

Фото: Стәрлетамаҡ ҡалаһы хакимиәте.