Республиканың почта бүлексәләре ваҡытлыса эш графигын үҙгәртә

Ватанды һаҡлаусылар көнө уңайынан эш графигын үҙгәртә, тип хәбәр итәләр Федераль почта элемтәһе республика идаралығының матбуғат хеҙмәтенән.

22 февралдә бүлексәләрҙең эш көнө бер сәғәткә ҡыҫҡара (заказдар биреү пункттары булған бүлексәләрҙән тыш). Почтальондар пенсия һәм пособиеларҙы Рәсәй Социаль фондының Башҡортостан бүлексәһе менән килешелгән график буйынса тарата.

23 февралдә республикала барлыҡ почта бүлексәләре өсөн ял була (заказдар биреү пункттары урынлашҡан бүлексәләр эшләй). Был көндө почтальондар почта аша ебәрелгән әйберҙәрҙе һәм гәзит-журналдар таратмай.

24 февралдә бүлексәләр ғәҙәти график буйынса эшләй.
Сығанаҡ :"Башинформ" мәғлүмәт агентлығы