Март айы нисек буласаҡ?

Ҡыштың һуңғы көндәре тантана итә. Тиҙҙән -  март. Быйыл ул нисек булыр?

Гисметео порталы белдереүенсә, март айы төбәк халҡын аномаль йылы һауа торошо менән ҡыуандырасаҡ. Ай башында термометр бағанаһы нулдән -1 градусҡа тиклем күрһәтәсәк, ә ай аҙағында инде +2,+3 градус буласак.

Рәсәй Гидрометүҙәгенең фәнни етәксеһе Роман  Вильфанд фекеренсә, быйыл март йылы буласаҡ, ә яҙ ҡар аҙ яуғанлыҡтан ғәҙәттәгенән иртәрәк килергә мөмкин.

“Фобос” үҙәге ғалимдары шулай уҡ йылы яҙҙы фаразлай.

Ә миңә ҡалһа, әсәйем әйтмешләй, алты айҙың алты ҡатҡағы бөтмәйенсә, иртә генә яҙ килмәҫ әле. Һәр нәмәнең үҙ мәле тигәндәй...

Ә һеҙҙең яҙға ҡарата ниндәй һынамыштарығыҙ бар? Әйҙәгеҙ яҙып ебәрегеҙ әле.

Башинформ.