Апрель айында һауа торошо нисек булыр?

Рәсәй Гидрометеорология Үҙәге мәғлүмәттәре буйынса, Башҡортостанда апрелдә һауа торошо норманан 1° юғарыраҡ буласаҡ. (Беҙҙең климат зонаһы өсөн норма +4,9°тип иҫәпләнә).

Быйыл яҙ яуым-төшөм норманан күберәк буласаҡ. Айлыҡ яуым-төшөм нормаһы 20-40 мм тәшкил итә. Апрель айының тәүге көндәре республика халҡын йылы һауа торошо ҡыуандыра.

2 апрелдә көндөҙ термометр бағанаһы +14,+19° тиклем күтәрелә.

3 апрелдә урыны менән бер аҙ ямғыр яуыуы көтөлә. Төндә һауа температураһы +2,+7°була. Көндөҙ +9,+14°тиклем йылыта.

 

Башинформ.