Апрель айына һынамыштар

* Апрель етһә, яҙ етер, иреп ағып ҡар китер.

Алтыһында торна ҡысҡырһа, йыл яҡшы килә.

Ай ямғырлы булһа, бәшмәк уңыр.

Ай башында йәшен йәшнәһә, йәй йылы килер һәм сәтләүек мулдан булыр.

Апрелдә көндөҙ эҫе, ә төнөн һалҡын булһа, йылы йәй юрайҙар.

Ай аҙағында төндәр йондоҙло булһа, уңыш уңыр. Шулай уҡ айҙың һуңғы ун көнөндә ямғырҙар яуһа, йыл уңдырышлы булыр.

* Апрелдең һуңғы ун көнөндә ямғыр яуһа, уңыш мул булыр.
* Апрелдә ҡайын һыуы күп аҡһа, йәй ямғырлы булыр.
* Сыйырсыҡ иртә килһә, көндәр йылы булыр.
* Ағастар бөрөләрен аҫтан яра башлаһа, яҙ тиҙ килә.
* Апрель аҙаҡтарында йылы ямғырҙар яуһа, игендәр яҡшы булыр.
* 6 апрелдә һандуғас һайраһа – йылыға, ҡыҙылтүш һайраһа - һыуыҡҡа.
* 7 апрелдә ҡыйыҡта ҡар булһа, тағы бер ай самаһы ҡар ятыр.
* 8 апрель ниндәй булһа, 8 октябрь ҙә шундай.