Бишбүләктәр йәнә мәртәбәле конкурста ҡатнаша

Билдәле булыуынса, "Айыҡ ауыл" республика конкурсының йомғаҡлау этабы башланды. Ул дүрт көн дауам итә.
Министрлыҡтар һәм ведомстволар вәкилдәре ингән эксперт комиссияһы алдында һәр район  үҙ проекттарын яҡлай.

Был конкурс Башҡортостандың ауылдарында йәшәүселәрҙең айыҡ йәшәү рәүешен пропагандалауға һәм һаулығын нығытыуға йүнәлтелгән. 1 апрелдән алып “Айыҡ ауыл” республика конкурсында ҡатнашҡан ауылдар проекттарын яҡлай башланы. Быйыл был мәртәбәле бәйгелә беҙҙең райондан Сиҙәкбаш ауылы ҡатнаша. Бишбүләк районы делегацияһы "Урта тораҡ пункттар" номинацияһына ингән 15 ауыл араһында һынау  тота. Уларға уңыштар теләйек!

#ҡоролтай