Еңеүгә - 80 йыл Баш ҡалала «Үлемһеҙ полк» акцияһында 200 мең кеше ҡатнаша

Өфөлә акцияла 200 мең кешенең ҡатнашыуы көтөлә. Был хаҡта баш ҡала хакимиәтендә уға әҙерлек буйынса ойоштороу комитеты ултырышында билдәле булды. 

«Үлемһеҙ полк»та ҡатнашыусылар тантаналы рәүештә Октябрь проспекты буйлап Галле ҡалаһы исемендәге урам киҫелешенән Кольская урамына тиклем бара.

Маршруттың дөйөм оҙонлоғо – яҡынса алты километр.

Колонна иртәнге сәғәт 10-дан 11-гә тиклем теҙелә, шунан һуң – бер минутлыҡ тынлыҡ. «Үлемһеҙ полк» акцияһы 11-се 12 минутта башлана һәм сәғәт 1-ҙәр тирәһендә тамамлана.

Сығанаҡ: "Башинформ".