Мәктәп яны лагерҙарында көндәр күңелле үтә

Бишбүләк 3-сө мәктәбе уҡыусылары лимонад етештереү цехында булды

Мәктәптәге "Рәсәй Бөркөтө" көндөҙгө ял лагеры, ғәҙәттә, иртәнге зарядканан башлана. Артабан уҡыусыларҙы тәмле аш көтә һәм төрлө мауыҡтырғыс саралар. Ошо көндәрҙә балалар лимонад цехында булды. Улар был тәмле эсемлекте етештереү ысулдары менән яҡындан танышты.

Экскурсовод цехтар буйлап экскурсия үткәрҙе һәм лимонд әҙерләү технологияһы тураһында һөйләне, балалар иһә үҙҙәрен ҡыҙыҡһындырған һорауҙарҙы бирҙе. Бишбүләк бренды булған лимонадты һәр кем тәмләп ҡарай алды. Экскурсия балаларға бик оҡшаны. Бында йөрөгәндә бәлки, кемдер үҙенең киләсәк һөнәре тураһында уйланғандыр?