Яугир яҡташыбыҙ – Рәсәй Геройы

116-сы айырым махсус тәғәйенләнештәге бригада командиры генерал-майор Руслан Ғарифуллинға «Алтын йондоҙ»ҙо Рәсәй милли гвардияһы ғәскәрҙәре федераль хеҙмәте директоры Виктор Золотов тапшырҙы.

Генерал-майор Ғарифуллин ошо юғары наградаға махсус хәрби операция барышында хәрби бурысын үтәгәндә күрһәткән батырлығы өсөн лайыҡ булды.

«Яугирҙәрҙең характеры өсөн 116-сы бригаданы «ҡорос һымаҡ» тип йөрөтәләр. Әйткәндәй, Салауат Юлаев исемендәге ике батальоныбыҙ доброволецтары тап ошо подразделение составында хеҙмәт итә. Улар төрлө хәрби бурыстарҙы үтәй, Тыуған илебеҙ сиген һаҡлай, — тип билдәләне Радий Хәбиров. — Руслан Вил улын ысын күңелдән ҡотлайым! Республика һеҙҙең менән ғорурлана!»

Бынан алдараҡ «Башинформ»да МХО-ла Рәсәй Геройы исеменә лайыҡ республикабыҙ яугирҙары тураһында лонгрид баҫылғайны.

https://www.bashinform.ru