Пенсионерҙарға мөһим һайлау яһарға тура киләсәк

1 октябргә тиклем уларға нимә мөһимерәк икәнен билдәләргә кәрәк — бушлай дарыуҙар йәки аҡсалата компенсация.

Был датаға тиклем федераль льготаға эйә булыусылар социаль хеҙмәттәр йыйылмаһын алыу ысулын үҙгәртергә хоҡуҡлы. Әммә шуны ла иҫәпкә алырға кәрәк: хроник ауырыуҙар булғанда дарыуҙарға сығымдар тиҫтәләрсә мең һумға иҫәпләнергә мөмкин. Әгәр һаулыҡ торошо насарайһа, препараттарҙы үҙ кеҫәһенән түләргә тура киләсәк. Ҡарар ҡабул иткәнсе, барыһын да ентекләп уйларға һәм дауалаусы табип менән кәңәшләшергә кәрәк.

Бөгөн социаль хеҙмәттәр йыйылмаһы айына 1 728,46 һумға баһалана. Был суммаға дарыуҙар һәм медицина әйберҙәре хаҡын компенсациялау — 1331,3 һум, шифахана-курорт дауалау — 205,95 һум, шулай уҡ ҡала яны поездарында һәм ҡала-ара транспортта дауаланыу урынына барып ҡайтыу-191,21 һум инә.

Башинформ.