Алмалы-эремсекле дүртмөйөштәр

️Ингредиенттар:
Эремсек 250 г
Йомортҡа 2 шт
Шәкәр 70 г
Он 250 г
Үҫемлек майы 1 аш ҡалағы
Алма 1-2 шт
Тоҙ 1/2 балғалаҡ
Сода 1 балғалаҡ
Ҡыҙҙырыу өсөн үҫемлек майы

Әҙерләү:
Һауытҡа йомортҡа,шәкәр, тоҙ, үҫемлек майын һалып болғатабыҙ.
Килеп сыҡҡан массаға эремсек өҫтәп тағы болғатабыҙ.
Алмаларҙың тышын таҙартып, эсен алып ташлап,ваҡлап турайбыҙ һәм алдан эшләгән массаға ҡушып болғайбыҙ.
Шунан һуң сода, он өҫтәп , ҡамыр баҫабыҙ.
Ҡамырҙы йәйеп өҫтөнә он һирпәбеҙ, йәймә 7-8 мм ҡалынлыҡта булырға тейеш
Ҡамыр йәймәһен махсус тулҡынлы бысаҡ ярҙамында бәләкәй дуртмөйөштәргә бүләбеҙ.
Плитаға табаны ҡуйып, үҫемлек майы ҡойоп эҫе майҙа ике яғы ҡыҙғылт төҫөнә ингәнсе дуртмөйөштәрҙе ҡыҙҙырабыҙ.
Өҫтәлгә дуртмөйөштәрҙең өҫтөнә шәкәр пудраһын һибеп, йылы килеш бирәбеҙ.

Сәйҙәрегеҙ тәмле булһын