Һәр кем иғтибарға лайыҡ

Мәктәп уҡыусылары һәм педагогтар коллективы социаль приютта йәшәгән әбей һәм бабайҙарҙы Өлкәндәр көнө менән ҡотлау, уларға бүләктәр тапшырыу өсөн ҡарттар йортона барҙы. Күстәнәс итеп үзбәк көлсәһе, ҡоймаҡ, ватрушкалар, пирогтар һәм башҡа тәмлекәстәр алып килделәр! Шулай уҡ өлкәндәр хуш еҫле сәйҙәр, бал, алма вареньеһын да ҙур ихласлыҡ менән ҡабул итте. 

Социаль хеҙмәткәрҙәр уҡыусыларға ҡарттар йортондағы тормош тураһында һөйләне. Бында йәшәүселәр ҙә, үҙ сиратында, алып килгән әйберҙәргә рәхмәт белдерҙе, күптәрҙең күҙҙәре йәшләнде. Өлкән йәштәгеләр был көндә ысын өй йылыһын тойҙо. 

https://vk.com/club198377257