Эшләй ҙә, ял да итә беләләр

Махсус хәрби операцияла йөрөгәндәргә ҙур ярҙам күрһәткән Дим ауылы ирекмәндәре изге шишмәгә барҙы

Бөгөн "Демушки" төркөмө ирекмәндәре районыбыҙҙағы изге урындарҙың береһе – Ҡушйылға ауылындағы монах Иоанн шишмәһенә барҙы, һәр кем онотолмаҫлыҡ тәьҫораттар алды. Был сәфәрҙе бағыусылар Азат Таһир улы Миңлеәхмәтов һәм Сергей Михайлович Ходак ойошторорға ярҙам итте.

Алтын көҙ көнөндә һәр кем матур тәбиғәт ҡосағында ял итеп, саф һыулы шишмәнең һыуын эсеп, был изге урындан рух күтәренкелеге алды. Ирекмәндәр Дим урта мәктәбе етәкселегенә һәм тәжрибәле водитель Камил Миәссәр улына рәхмәттәрен еткерә.