Балалар баҡсаһында көҙ байрамы балаларҙың яратҡан сараларының береһе булып тора.
Кескәйҙәр төркөмөндә "Терпе кескәйҙәрҙә ҡунаҡта" тигән сара үтте. Был көндө уларҙы күп сюрприздар көтә ине, сөнки сабыйҙарға Терпе ҡунаҡҡа килде, ул уларға үҙе менән бергә күңел асырға һәм көҙҙөң сағыу төҫтәренә шатланырға тәҡдим итте. Шулай уҡ кескәйҙәр янынв Көҙһылыу ҙа килде. Ул үҙе менән сағыу буяуҙар ғына түгел, ә күңелле уйындар һәм йырҙар ҙа алып килгәйне. Балалар шатланып әйлән-бәйлән уйнаны, сағыу япраҡтар менән бейене, көҙгө ямғыр тураһында йырҙар йырланы, терпегә бәшм!кт!р йыйырға ярҙам итте. Көҙһылыу бар балаларҙы ла урмандан алып килгән тәмлекәстәр менән һыйланы.
Байрам иҫ киткес күңелле булды. Балаларҙың сағыу костюмдары, ихлас йылмайыуҙары һәм уларҙың һоҡланғыс күҙҙәре балалар баҡсаһы хеҙмәткәрҙәре өсөн иң яҡшы бүләк булды.
https://vk.com/detsadlaisan
