Көн торошо

Башҡортостанда алдағы көндәрҙә ноябрь аҙағы өсөн дымлы һәм сағыштырмаса йылы һауа торошо һаҡланасаҡ.

Башгидромет мәғлүмәте буйынса, бөгөн бөтә республикала ямғырҙар дауам итәсәк, ә төньяҡта ҡар ҡатыш ямғыр яуасаҡ, урыны менән көслө яуым-төшөм көтөлә. Төньяҡ райондарҙа сымдарға һәм ағастарға епшек ҡар йәбешеүе ихтимал. Урыны менән боҙлауыҡ, томан фаразлана, юлдарҙа – шыуыш. Ел көньяҡ-көнсығыштан, талғын. Көндөҙ температура +3-тән +8 градусҡа тиклем тәшкил итәсәк.

Дүшәмбе, 24 ноябргә ҡарай төндә ямғыр һәм епшек ҡар яуыуы көтөлә, урыны менән – уртаса. Республиканың көньяғында һиҙелерлек яуым-төшөм фаразланмай. Урыны менән томан, боҙлауыҡ һәм епшек ҡар яуыуы, юлдарҙа боҙлауыҡ һаҡланасаҡ. Көндөҙ урыны менән бер аҙ ямғыр яуа йәки епшек ҡар яуа. Ел көньяҡтан, талғын. Һауа температураһы төндә -2, +3, көндөҙ – 0, +5 градус.

Шишәмбе, 25 ноябрҙә, айырым райондарҙа йәнә бер аҙ яуым — төшөм-ямғыр һәм епшек ҡар яуыуы ихтимал. Төндә һәм иртән томан, боҙлауыҡ һәм шыуыш юлдар фаразлана. Ел көньяҡтан, талғын. Төндә Температура -2 градустан +3 градусҡа тиклем тәшкил итәсәк.

Ләйлә ҒҮМӘРОВА фотоһы. 

Башинформ.