Совет дипломаты Кәрим Хәкимовтың тыуыуына - 135 йыл

Был сара Дүсән ауылында тыуып үҫкән совет дипломаты һәм сәйәси эшмәкәр Кәрим Ғәбдрәүф улы Хәкимовтың тыуыуына 135-йыл тулыуға арналды. 

Балалар билдәле йәмәғәт эшмәкәре Кәрим Хәкимовтың тормошо һәм эшмәкәрлеге менән яҡындан танышты. Сарала улар уның СССР һәм ғәрәп илдәре араһында дипломатик мөнәсәбәттәр урынлаштырыуға индергән өлөшө тураһында белде. Осрашыу дауамында яҡташыбыҙға арнап сығарылған китап тураһында әңгәмә ойошторолдо. Белеүебеҙсә, «Абдул-Азиз һәм Кәрим: геройҙар ваҡыты» комиксы башҡорт һәм рус телдәрендә эшләнгән.Унда ғәрәп ерҙәрен үҙәкләштерелгән дәүләткә берләштереү процесы менән бәйле ваҡиғалар һүрәтләнә. Һәм төп геройҙың мажаралары тураһында, ул ауырлыҡтарҙы еңеп сығырға һәм маҡсаттарына өлгәшергә тырыша. Был сағыу һәм мауыҡтырғыс формалағы китап, ул йәш быуынға мөһим идеяларҙы һәм ҡиммәттәрҙе яҡшыраҡ ҡабул итергә ярҙам итә. Комикстың сюжеты реаль ваҡиғаларға нигеҙләнгән.

Комикс тураһында һөйләшеү ҙур ҡыҙыҡһыныу уятты: ҡатнашыусылар үҙҙәренең тәьҫораттары менән уртаҡлашты. Бындай саралар балаларға китап уҡыуға һәм Ватанға һөйөү үҫтерергә ярҙам итер, тип ышанабыҙ.

https://sp-bizhbulyak.ru/news/2025/11/19304