Республикала йәнә алкоголь һатыу сикләнә

Был ҡарар властар тарафынан оператив кәңәшмә ваҡытында иғлан ителде.

БР сауҙа һәм ҡулланыусылар хоҡуғын яҡлау министрлығының матбуғат хеҙмәтенән хәбәр итеүҙәренсә, төбәк биләмәһендә магазиндарҙа алкоголь продукцияһын һатыуға ваҡытлыса сикләүҙәр индерелә: 3 ғинуарынан 5 ғинуарына тиклем икенсе көндө 17:00 сәғәттән 10:00 сәғәткә тиклем, ә 6 ғинуарҙа 17:00 сәғәттән 23:00 сәғәткә тиклем ғәмәлдә буласаҡ.

Сикләү тураһында закон 2019 йылдың 30 декабрендә ғәмәлгә индерелде. Йәмәғәт туҡланыуы учреждениеларында бындай эсемлектәр күрһәтелгән сәғәттәрҙә һатылыуын дауам итәсәк. Был сикләүҙең төп маҡсаты — йәмәғәт тәртибен тәьмин итеү, алкоголь ҡулланыу менән бәйле енәйәттәр һанын кәметеү һәм спиртлы эсемлектәр менән ағыуланыуҙан үлем кимәлен кәметеү.

Фото: Олеся Вилданова (UfaTime.ru)

Сығанаҡ: https://gorobzor.ru