Яңы йыл ырымдары

  “Яңы йылды нисек ҡаршылайһың, шулай үткәрәһең”, - тиҙәр. Яңы 2026 йыл менән бәйле ырымдарға, юрауҙарға күҙ һалайыҡ.

● Йылҡы йылын йырҙар, бейеүҙәр, музыка менән ҡаршылау мөһим. Шулай итеп, һеҙ яуыз көстәрҙе үҙегеҙҙән ҡыуып сығарырһығыҙ, тимәк, йыл имен булыр.

● Яңы йыл алдынан кеҫәгеҙгә кәнфит һалығыҙ. Ул саҡта йыл "татлы" булыр.

● Аҡ төҫ тыныслыҡ килтерергә һәм насар үҙгәрештәрҙе булдырмаҫҡа ярҙам итә (аҡ тәрилкәләр, өҫтәл япмаһы, кейем  һәм башҡалар). 

● Яңы йыл төнөндә мохтаждарҙы ашатыу - бик яҡшы билдә (кешеләр ҙә, хайуандар ҙа була ала). Был һеҙҙең йортҡа именлек һәм муллыҡ килтерер.

● Йылҡыны ҡыуандырыу һәм бәхет йәлеп итеү өсөн уның яратҡан төҫтәрендә кейенергә йәки йортто биҙәргә кәрәк. Был ҡыҙыл, алтын, ҡыҙғылт һары һәм йәшел төҫ тип иҫәпләнә.

● Йыл табышлы булһын өсөн, куранттар һуғыр алдынан кеҫәгеҙгә тәңкәле аҡса һалырға кәрәк. 

● Ғәҙәттә, ватылған һауыт-һаба яҡшы билдә тип һанала, әммә Яңы йылды ҡаршылағанда түгел. Байрамда тәрилкәне ватһаң, был ғаилә ығы-зығыларына  һәм башҡа проблемаларға килтереүе ихтимал.

Байрам өҫтәле

Яңы йыл өҫтәлендә көс һәм энергияны символлаштырған ризыҡтар өҫтөнлөк итергә тейеш. Йәшелсә һәм кишер һалынған салаттар, туралған йәшелсә, тәмләткестәр менән икмәк һәм еңел эсемлектәр тәҡдим ителә. Диңгеҙ продукттарынан, һыйыр итенән һәм балыҡтан, шулай уҡ йылҡы итенән әҙерләнгән ризыҡтарҙан һаҡланырға кәрәк. Өҫтәлдә шулай уҡ байлыҡты һәм уңышты символлаштырған апельсин, гранат һәм алма кеүек сағыу емеш-еләк булырға тейеш. Ат шәкәр ярата, шуға күрә татлы ризыҡтар ҙа рөхсәт ителә.

Йылды ҡаршылау өсөн ут стихияһы менән бәйле сағыу төҫтәр бик яҡшы, туҡымалар йәһәтенән ебәк, бәрхәт һәм атлас, шулай уҡ образға ышаныс һәм көс өҫтәгән тире өҫтөнлөклө. Нәҙек йөн йәки кашемир рөхсәт ителә.

Аксессуарҙар сифатында утлы таштар менән биҙәүестәр — рубиндар, гранаттар, мәрйендәр, шулай уҡ алтын элементтар яраҡлы. Йылды ҡаршылау өсөн ҡатын-ҡыҙҙарға алтын йәки көмөш аксессуарҙар менән сағыу ҡыҙыл төҫтәге күлдәк, ир-егеттәргә ҡыҙыл элементтар менән классик костюм һайларға мөмкин. Шулай уҡ аяҡ кейеме дөйөм концепцияға тап килергә тейеш – ҡыҙыл төҫтәге туфлиҙар йә алтын элементтары булған итек бик тә урынлы буласаҡ. Шул уҡ ваҡытта йылдың ут энергияһына тап килмәгән ҡара йәки һоро төҫтәрҙән һаҡланырға кәрәк. Әммә уларҙы сағыу акцент менән бергә ҡулланырға мөмкин.