Республиканың почта бүлексәләре эш графигын үҙгәртә

Башҡортостандың почта бүлексәләре Халыҡ-ара ҡатын-ҡыҙҙар көнөндә эш графигын үҙгәртә, тип хәбәр иттеләр Федераль почта элемтәһенең Башҡортостан идаралығынан.

8 март республикала күпселек почта бүлексәләре өсөн ял көнө булып тора. 7 мартта улар эште бер сәғәткә алдараҡ тамамлай, ә 9 мартта ғәҙәти график буйынса эшләй.

Федераль почта элемтәһе республика буйынса идаралығының матбуғат хеҙмәтенән хәбәр итеүҙәренсә, 8 мартта почтальондар хаттар, гәзит-журналдар таратмай. Пенсия һәм пособиеларҙы улар Рәсәй Социаль фондының Башҡортостан бүлексәһе менән килешелгән график буйынса килтерә.

https://www.bashinform.ru/