Май айына һынамыштар

Майҙа боҙ яуһа, йәйен дә яуасаҡ.
1 майҙа йылы булһа, май аҙағы һалҡынса булыр.
2 майҙа ҡайын япраҡ ярһа, йәй ҡоро килер.
4 майҙа муйыл сәскә атһа, йәй йылы килер.
5 майҙа төндә һалҡынайтһа, 40 көн буйына иртәләр һалҡын булыр.
8 майҙа ямғыр яуһа, арыш уңа.
10 майҙа ҡояш ҡалҡҡанда көн аяҙ булһа – йәй елле булыр.
11 майҙа таң атҡанда йондоҙҙар емелдәшһә, яҡын арала ямғыр көтөлә. Күбәләктәр өйгә йәки һарайға инеп тулһа, көн һыуыта.
13 майҙың йылы кисе һәм йондоҙло төнө – мул уңыш билгеһе.
15 май төнөндә һандуғас төнө буйы һайрап сыҡһа, ҡояшлы көндәр көтөгөҙ.
16 майҙа муйыл сәскә атһа – һалҡынайта, сәскәһе күп булһа, ямғырлы йәй килә.
18 майҙа ҡаҙҙар һыуҙа ҡойонһа, көндәр йылыта.
19 майҙа ысыҡ күп төшөп, көн ҡояшлы булһа, ҡыяр уңыр.
21 майҙа ямғыр яуһа, бәшмәкле йыл килә.
23 майҙа ямғыр яуһа, йәй ямғырлы килер.
24 майҙа ямғыр һибәләһә, ямғырлы йәйгә юрағандар.
26 майҙа ҡарлуғастар түбән осһа, ямғыр көтөгөҙ.
27 майҙа яр ҡарлуғастары күренһә, йылы көндәр килә.
28 майҙа көн ҡыҙыу булһа, йәй ҙә йылы булыр.
30 майҙа көн ниндәй булһа, йәй дә шундай буласаҡ.
31 майҙа серәкәйҙәр бер урынға йыйылһа, матур кондар була.