Эш эҙләүсе ҡатын аҡсаһынан ҡолаҡ ҡаҡҡан

67 йәшлек ҡатын банк иҫәбенән аҡса юғалғанын хәбәр итә. Башта картаға билдәһеҙ ебәреүсенән 9 мең һум күләмендә каҡса килә, ә һуңынан 30 мең һумдан ашыу аҡса, шул иҫәптән был күсереү һәм уның бөтә пенсияһы иҫәптән алына.

Банкта ҡатынға операцияның шикле тип табылмауы аңлатыла. Ул ун көн элек эш эҙләүен һәм йыш ҡына төрлө һылтанмалар буйынса йөрөүен хәтерләй. Шуныһы, пенсионер ҡатын киң таралған мутлашыу схемалары тураһында белә, әммә был юлы бер нәмәгә лә шикләнмәй.

Сығанаҡ: Башинформ.