Башҡортостанда 222 меңдән артыҡ пенсионер пенсияға өҫтәмә аласаҡ

Һүҙ ҡартлыҡ йәки инвалидлыҡ буйынса пенсия алыусылар һәм 2025 йылда эшләүен дауам итеүселәр тураһында бара - улар өсөн эш биреүселәр страховка керетемдәрен түләгән.

Бының индексация түгеллеген аңлау мөһим. Өҫтәмә күләм индивидуаль буласаҡ һәм пенсионерҙың хеҙмәт хаҡына бәйле. Керем ни ҡәҙәр юғары булһа – шул ҡәҙәр артасаҡ. Максимум - өс пенсия коэффициентына ҡәҙәр.

Тағын нимә үҙгәрәсәк:

Әгәр элек иҫәпкә алынмаған түләүҙәр барлыҡҡа килһә, туйындырыусыһын юғалтыу буйынса пенсияларҙы ҡайтанан һанайҙар;

 тупланма пенсияларға һәм ашығыс түләүҙәргә уҙған йылғы инвестиция керемен иҫәпкә алып төҙәтмәләр индерәләр.

Шуныһы яҡшы — бер нимәне лә рәсмиләштерергә кәрәкмәй. Яңынан иҫәпләү автомат рәүештә башҡарыласаҡ.

Юғары түләүҙәр инде 3 августан — ғәҙәти график буйынса килә башлаясаҡ.

Башинформ