Өфөлә халыҡ ижады фестивале ойошторола

Өфөнөң «Беренсе май» паркында шәмбе, 5 сентябрҙә, «Милли оҫталыҡ» фестивале үткәрелә. Бында һәр кем үҙ ҡулдары менән ниҙер яһап ҡарарға мөмкин. Программала:

—  йәнле дәрестәр: башҡорт милли кейеме — селтәрҙәр, түбәтәйҙәр, мәрйендәрҙән төрлө биҙәүестәр яһау, кейеҙ менән эшләү;

—  балалар зонаһы: һүрәттәр конкурсы, «Атмосфера» балалар сәнғәт мәктәбенән оҫталыҡ дәресе, милли уйынсыҡтар эшләү һәм халыҡ уйын ҡоралдарында уйнауҙа тәүге аҙымдар;

— ата-бабалар уйындары:  һәр кем боронғо ярыштарҙа үҙ көсөн һынап ҡарай ала;

— таланттар йәрминкәһе: һөнәрселәрҙең иң яҡшы эштәре, фермер продукттары, бал һәм сәй;

— концерт: ижади коллективтарҙың сығыштары.

Сәғәт 12-лә башлана, инеү бушлай. Парк Черниковкала «Моторҙар төҙөүселәр» мәҙәниәт һарайы янында урынлашҡан.

башинформ