Хәбәрһеҙ юғалған МХО һалдаты исеменә микрозайм алғандар

Кушнаренко районы прокуратураһы хәбәрһеҙ юғалған тип һаналған хәрбиҙең шәхси мәғлүмәттәрен ҡулланып микрозаймдар рәсмиләштереү факты буйынса енәйәт эше ҡуҙғатҡан.

Ведомствола белдереүҙәренсә, тикшереү урындағы ҡатын-ҡыҙ мөрәжәғәт иткәндән һуң башланған. Асыҡланыуынса, 2025 йылдың декабрендә һәм 2026 йылдың ғинуарында микрофинанс ойошмалары, уның ағаһының паспорт мәғлүмәттәрен ҡулланып, 20 мең һум самаһы онлайн-займдар биргәндәр. Шул уҡ ваҡытта ир-ат рәсми рәүештә 2024 йылдың сентябренән үк махсус хәрби операция зонаһында хәбәрһеҙ юғалған тип һанала.

“Мошенниклыҡ” статьяһы буйынса тикшереү эштәре башланған.

Чыганак: bashinform.ru