Халыҡ-ара оло йәштәгеләр көнө билдәләнде

Байрам алдынан Бишбүләк ауылының район үҙәгендәге мәктәпкә йәш быуынды тәрбиәләүгә һәм балалар уҡытыуға бар ғүмерҙәрен бағышлаған мәғариф ветерандары йыйылды. Ветерандар өсөн был элекке дуҫтарын һәм хеҙмәттәштәрен күреү генә түгел, ә мәктәп тормошоноң ҡыҙыу үҙәгендә үҙҙҙәрен тағы ла тойоу өсөн бик яҡшы мөмкинлек булды.

Мәктәп директоры Е.Л. Филиппова сәләмләү һүҙе менән мөрәжәғәт итте, ул ветерандарға күп йыллыҡ хеҙмәте, сабырлығы һәм белем биреү учреждениеһының үҫешенә нигеҙ һалған өсөн рәхмәт белдерҙе. Мәктәп уҡыусылары (4б клас) етәкселәре Н. Т.Михайлова менән бергә ҡунаҡтар өсөн бай йөкмәткеле концерт әҙерләгәйне. Балалар йырҙар йырланы, шиғырҙар һөйләне, ҡунаҡтарға йылмайыуҙарын һәм ихлас һоҡланыуҙарын бүләк итте. Ветерандар иһә үҙҙәренең эш йылдары тураһында хәтирәләре менән уртаҡлашты. Осрашыу аҙағында мәғариф ветерандарына баһалап бөткөһөҙ хеҙмәттәре өсөн сәскәләр һәм иҫтәлекле сувенирҙар тапшырылды. 

https://vk.ru/bssh2