Байрамға бүләк

Теләһә ҡайһы ауылды төҙөкләндереү тураһында һәр кем тәү сиратта юлдарҙың торошо, шулай уҡ уның урам өҫлөгө буйынса фекер йөрөтә. Шуға күрә авыл халҡы үҙҙәрен яҡшы яҡтан күрһәткән республика төҙөкләндереү программаһы буйынса юл ремонтына өҫтөнлөк бирә. Уҙған йыл аҙағында Кәрим ауылы халҡы тап шулай эшләгән дә, ППМИ-2026 (урындағы башланғыстарға ярҙам итеү программаһы) буйынса ла ҡатнашырға һәм ауыл урамын ремонтларға ҡарар иткән. Улар документтар йыйыу һәм хакимиәт структураларын хуплау буйынса барлыҡ кәрәкле процедураларҙы уңышлы үтә алдылар. Һәм эш урынынан ҡуҙғалып китте. Проект эштәре млн. 462 мең һумға баһаланған. Республика бюджетынан субсидиялар 950 мең һум тәшкил итә, ә район бюджетынан ремонтҡа 190 мең һум бүлеп бирелде. Кәрим ауылы кешеләре үҙҙәре 322 мең һум аҡса йыйған.

Үткәрелгән аукциондан һуң подрядсы итеп район үҙәгенең «Бишбүләк» йәмғиәте  билдәләнде. Республика көнө алдынан Кәрим ауылы халҡы байрам сараһына — ППМИ-ны ғәмәлдә тормошҡа ашырыу барышында ремонтланған юлдарҙы асыуға йыйылды. Шул уҡ көндә Кәрим ауылындағы шишмәне төҙөкләндереү буйынса башҡарылған эштәргә лә һығымта яһарға ҡарар ителде. Әлеге ике сараға Айыт мәҙәниәт йортоноң мөхтәрәм ҡунаҡтары, үҙешсән артистары һәм ауыл халҡының кесеһенән алып олоһона ҡәҙәр йыйылды.

— Республика көнөн байрам итеү алдынан Кәрим ауылында юлдарҙы ремонтлап бөтөрөү айырыуса әһәмиәтле. Был мәсьәлә киҫкен тора ине, беҙгә даими рәүештә урындағы халыҡтан юлдарҙы ремонтлауҙы һорап йыш мөрәжәғәт иттеләр. Дөйөм тырышлығыбыҙ, ерле инициативаларға ярҙам итеү программаһы һөҙөмтәһендә беҙ юлдарҙы ремонтлай алдыҡ. Бөгөн был юл участогын асып, ҙур эштә ҡатнашҡан hәр кемгә рәхмәтемде белдергем килә. Эштәрҙе юғары дәрәжәлә башҡарған подряд ойошмаһына айырым рәхмәт. Кәрим ауылында йәшәүселәр өсөн бик шатмын, — тине символик ҡыҙыл таҫманы киҫеүсе район хәкимиәте башлығы Александр Семенов.

Ул аҡса йыйыу буйынса иң әүҙем граждандарға — ауылдың ун ике ҡатын-ҡыҙына hәм подряд ойошмаһы етәксеһе Илсур Ғәлимовҡа район хакимиәтенең Рәхмәт хаттарын тапшырҙы. Айыт ауыл Советы ауыл биләмәһе хәкимәте башлығы Рәсил Ғимазетдинов та башҡарған эштәре өсөн халыҡҡа hәм юл һалыусыларға рәхмәтен еткерҙе. Унан һуң байрам Кәрим ауылы янындағы матур итеп төҙөкләндерелгән шишмә буйында дауам итте. Бында инде ун ир-атты күрһәткән хеҙмәттәре өсөн район хакимиәтенең Рәхмәт хаттары менән бүләкләнеләр. Шишмәне төҙөкләндереүгә ауылдың даими бағыусыһы Рәмил Ҡиямов яҡташтарына hәр яҡлап ярҙам итә. Байрамды ауыл һәүәҫкәрҙәренең сығышы йәмләне.

 Владимир СМОЛОВ.

Автор фотоһы.