Яугирҙәребеҙгә - юғары хәрби наградалар

Бөгөн Хөкүмәттең оператив кәңәшмәһендә Башҡортостн Башлығы Радий Хәбиров яҡшы яңылыҡ әйтте. Рәсәй Президенты Владимир Путин махсус хәрби операция барышында хәрби бурыстарын үтәгән Башҡортостандың ирекле батальондары яугирҙәрен бүләкләү тураһында указға ҡул ҡуйған.

– Батальондарҙың береһендә генә 13 кеше – Батырлыҡ ордены, 16-һы – “Батырлыҡ өсөн” миҙалы, дүрт кеше Суворов миҙалы һәм дүрт кеше Жуков миҙалы менән наградланған. Егеттәребеҙ батырлыҡ һәм ҡаһарманлыҡ күрһәтеп, ауыр хәрби эш башҡара, - тине Радий Хәбиров.

Фото: 1tv.ru

https://bashgazet.ru