Петропавловск-Камчатскийҙа ер тетрәгән

3 апрелдә Камчаткала көслө итеп ер тетрәгән, магнитудаһы — 6,9 балл. Был хаҡта Рәсәй Фәндәр академияһы Берҙәм геофизика хеҙмәтенең Камчатка филиалы хәбәр итә.

Эпиүҙәк Петропавловск-Камчатскийҙийҙан 64 саҡрым алыҫлыҡта урынлашҡан. Урындағы киң мәғлүмәт саралары килтерелгән зыяндың фотоларын һала: ҡайһы бер биналарҙың стеналарында ярыҡтар бар, ҡайҙалыр штукатурка ҡойолған, ә магазиндарҙа кәштәләрҙән тауарҙар иҙәнгә шыуып төшкән. Социаль селтәрҙә Камчатка крайы губернаторы Владимир Солодов хәбәр иткәнсә, зыян күргәндәр һәм емерелгән биналар юҡ. Петропавловск-Камчатскийҙа ваҡытлыса электр уты һүнгән.

Бынан алдараҡ «Башинформ» Пятигорскиҙа ер тетрәүе хаҡында хәбәр иткәйне.

https://www.bashinform.ru