Һәр көндөң үҙ планетаһы!

Кеше организмы ваҡыт ағышындағы тәбиғи ритмдарға яраҡлашып йәшәй. Шуларҙың береһе – аҙна. Боронғо замандарҙа уҡ астрологтар аҙна көндәренең ете планетаға тура килеүен асыҡлаған.

Йәкшәмбе (Ҡояш көнө) – организмдың йәшәү көсө башҡа көндәргә ҡарағанда дәртлерәк, ҡеүәтлерәк.

Дүшәмбе (Ай көнө) – һүлпәнлек арта, ихтыяр һүрелә.

Шишәмбе (Марс көнө) – ҡыҙып барыусанлыҡ, ярһыу көсәйә.

Шаршамбы (Меркурий көнө) – нервы системаһы эшмәкәрлеге шәбәйә, фекерләү һәм аңлау һәләте арта.

Кесе йома (Юпитер көнө) – аралашыу, бәйләнешкә инеү ынтылышы көсәйә.

Йома (Венера көнө) – хис-тойғо нескәрә, һиҙемләү арта.

Шәмбе (Сатурн көнө) – психик хәлһеҙлек күҙәтелә, яңы көс тупланыла.