Һауа торошо боҙола

Башҡортостанда алдағы тәүлектә һауа торошоноң боҙолоуы фаразлана — урыны менән елдең тиҙлеге секундына 18 метрға етеүе ихтимал. Был хаҡта Башҡортостан буйынса Ғәҙәттән тыш хәлдәр министрлығының матбуғат хеҙмәтенән хәбәр иттеләр.

7 апрелдә көндөң аяҙлы-болотло булыуы фаразлана. Урыны менән бер аҙ ямғыр һәм ҡар яуыуы мөмкин. Һауа температураһы төндә -2, +3°, төньяҡ һәм таулы райондарҙа -7°, көндөҙ +4, +9°. Автомобиль юлдарының айырым участкаларында төндә һәм иртән томан, 500-1000 метрҙан күреү мөмкинлеге кәмей.

Сығанаҡ: https://www.bashinform.ru