Янғындан ҙур зыян күргәндәр

Свердловск өлкәһенең Таежный һәм Сосьва ҡасабаларында сыҡҡан ҙур янғындарҙа 134  йорт, шулай уҡ 8 дача, хужалыҡ ҡаралтылары һәм магазин янып бөткән. Был турала Ғәҙәттән тыш хәлдәр министрлығының телеграм-каналы хәбәр итә.

Ҡотҡарыусылар мәғлүмәттәре буйынса, янғында бер кешенең ғүмере өҙөлгән. 1200 йортто уттан ҡотҡарып ҡалғандар. Бөтә янғындар ҙа һүндерелгән. Бының өсөн 380-нән ашыу белгес һәм 112 берәмек техника йәлеп ителгән.

Зыян күреүселәргә ярҙам итеү һәм эште координациялау өсөн өлкәгә Рәсәйҙең ғәҙәттән тыш хәлдәр министры урынбаҫары Илья Денисов етәкселегендәге оператив төркөм килгән.

hakmar.ru