+28 °С
Болотло
Файҙалы эштәр йылы
27 Апрель 2023, 12:26
Республикала олимпия, паралимпия һәм сурдлимпия уйындары еңеүселәре өсөн стипендиялар раҫланды
Башҡортостанда олимпия, паралимпия һәм сурдлимпия уйындары еңеүселәре һәм призерҙары булған республика спортсыларына, шулай уҡ уларҙың тренерҙарына дәүләт спорт стипендияларын түләү тураһында положениелар раҫланды.
Республикала олимпия, паралимпия һәм сурдлимпия уйындары еңеүселәре өсөн стипендиялар раҫланды
Тейешле ҡарар Башҡортостандың рәсми хоҡуҡи мәғлүмәт интернет-порталында баҫылған.
Документҡа ярашлы, республика олимпия, паралимпия һәм сурдлимпия уйындары чемпиондарына айына 30 000 һум стипендия түләй. Көмөш миҙал өсөн иһә ай һайын 25 мең һум. Өсөнсө урын өсөн 20 мең һум түләнергә тейеш.
Еңеүселәр һәм призерҙар әҙерләгән тренерҙарға бер иң юғары һөҙөмтә өсөн халыҡ-ара ярыштарҙа ҡатнашыусының стипендияһы күләменән 50% түләнә.
Стипендия ғүмерлеккә тәғәйенләнә.
Бынан алдараҡ Башҡортостан Башлығы Радий Хәбиров олимпия, паралимпия һәм сурдлимпия уйындары еңеүселәре өсөн стипендиялар булдырыу тураһындағы указға ҡул ҡуйҙы.
