Алкоголь һатылмаясаҡ!

Башҡортостанда Һуңғы ҡыңғырау байрамында хәмер һатыу тыйыла, тип хәбәр иттеләр республиканың Сауҙа һәм хеҙмәттәр министрлығынан.

Быйыл 9-сы һәм 11-се кластар өсөн Һуңғы ҡыңғырау 22 майҙа үтә. Һәм был көндә Башҡортостан территорияһында иҫерткес эсемлектәр һатылмаясаҡ.“Республика закондарына ярашлы, был тыйыу магазиндарҙа алкоголь продукцияһын берәмләп һатыуға ҡағыла. йәмәғт туҡланыуы предприятиеларына ул ҡағылмай”, – тип аңлаталар төбәктең Сауҙа һәм хеҙмәттәр министрлығында.

Иҫегеҙгә төшөрәбеҙ: республикала Яңы йыл каникулдарында, Йәштәр көнөндә, Белем көнөндә һәм һабантуйҙар мәлендә иҫерткес эсемлектәр һатыу тыйыла.

Башинформ.