+30 °С
Болотло
Файҙалы эштәр йылы
16 Май 2023, 06:34
Башҡортостанда «Ауыл уҡытыусыһы» программаһы буйынса конкурс һайлап алыуында еңеүселәр билдәләнде
«Ауыл уҡытыусыһы» программаһы буйынса дәғүәселәрҙе һайлап алыу буйынса конкурсы тамамланды. «Башинформ» хәбәр иткәнсә, ауылға, эшселәр ҡасабаһына, ҡала тибындағы ҡасабаға, 50 меңгә тиклем кеше йәшәгән ҡалаға эшкә килгән уҡытыусылар бер тапҡыр бирелә торған компенсация алырға хоҡуҡлы.
Башҡортостанда «Ауыл уҡытыусыһы» программаһы буйынса конкурс һайлап алыуында еңеүселәр билдәләнде
«Ауыл уҡытыусыһы» программаһында ҡатнашыу өсөн 2023 йылда өс вакансия билдәләнде: Баҡалы районында башланғыс кластар уҡытыусыһы, Бәләбәй районында математика уҡытыусыһы, Салауат районында биология һәм химия уҡытыусыһы. Конкурсҡа бөтәһе 13 кандидат ғариза биргән.
Ултырыш йомғаҡтары буйынса түбәндәге вакансиялар буйынса 2023 йылда «Ауыл уҡытыусыһы» программаһында еңеүселәр билдәләнде:
- Баҡалы районы Баҡалы ауылының 1-се урта дөйөм белем биреү мәктәбенең башланғыс кластар уҡытыусыһы Закирова Раксана Рөстәм ҡыҙы;
- Бәләбәй районы Максим Горький исемендәге тоҡомсолоҡ заводының Үҙәк усадьбаһы ауылы урта дөйөм белем биреү мәктәбенең математика уҡытыусыһы Нурмөхәмәтова Филүзә Рәшит ҡыҙы;
- Салауат районы Малаяҙ ауылы башҡорт гимназияһының биология һәм химия уҡытыусыһы Миңлеғолова Тәнзилә Рәмил ҡыҙы.
Башҡортостан Республикаһында «Ауыл уҡытыусыһы» программаһы дүртенсе йыл рәттән тормошҡа ашырыла. Программа сиктәрендә 3 йылда 147 уҡытыусы 1 миллион һум аҡса алған. Быйыл тағы 3 уҡытыусыға берешәр миллион һум тапшырыла. «Ауыл уҡытыусыһы» программаһы киләһе йылда ла эшләй.
Башҡортостанда «Ауыл уҡытыусыһы» программаһы буйынса конкурс һайлап алыуында еңеүселәр билдәләнде
