Өфө районы Авдон ауылындағы ҡошсолоҡ фабрикаһында ҡош киҙеүе асыҡланды

Уның һөҙөмтәләре буйынса ҡошсолоҡ фабрикаһы ауырыу таралыу сығанағы тип танылған. Эргә-тирәләге Авдон, Жуков, Сергеевка, Опто ауылдары, шулай уҡ баҡсасылыҡ ширҡәттәре хәүефле биләмәгә инә. Бөгөн ведомство-ара ғәҙәттән тыш хәл комиссияһы ултырышы булды. Фабрикалағы бөтә ауырыу ҡоштар юҡ ителә. Хәүефле биләмәләге бөтә ҡош-ҡортҡа прививка эшләнә. - Вакцина етерлек, халыҡҡа хәлде аңлап ҡабул итергә кәрәк. Ҡош киҙеүе тиҙ арала бөтөрөләсәк, - тип хәбәр итәләр ведомствонан. Ҡош-ҡорт үлеү осраҡтары теркәлһә, йә ауырыуға шик тыуһа 8 800 775 58 28 һандарына шылтыратып хәбәр итергә кәрәк.

Яңылыҡтар - Башҡортостан юлдаш телевидениеһы