Ике ил етәксеһе осраша

«Акорда» дәүләт резиденцияһында Владимир Путин Ҡаҙағстан Президенты Ҡасим-Жомарт Токаев менән һөйләшеү алып барасаҡ, шунан һуң тар һәм киңәйтелгән составтарҙа документтарға ҡул ҡуйыу планлаштырыла. Шулай уҡ көн тәртибендә ике яҡлы хеҙмәттәшлек перспективалары һәм актуаль халыҡ-ара проблемалар ҡараласаҡ. Рәсәй лидеры хөрмәтенә Ҡаҙағстан Президенты исеменән рәсми ҡабул итеү планлаштырыла.

Бынан тыш, видео-конференц-бәйләнеш буйынса Путин һәм Токаев Рәсәй һәм Ҡаҙағстандың XIX төбәк-ара хеҙмәттәшлек форумының пленар ултырышында ҡатнашасаҡ. Форумдың темаһы — Ауыл хужалығы — көслө иҡтисадтың нигеҙе.

Кисә Путин Рәсәй һәм Ҡаҙағстанды, донъяла ниндәй генә хәлдәр килеп сыҡмаһын, ышаныслы киләсәк көтә, тип билдәләп үтте. Ул әйтеүенсә, илдең газ тармағында ике яҡлы хеҙмәттәшлек перспективалары ҙур. Бынан тыш, Путин Ҡаҙағстан коллегаһы менән ысын дуҫлыҡ мөнәсәбәттәре булыуын билдәләп үтте.

7 ноябрҙә Кремлдең рәсми вәкиле Дмитрий Песков Путиндың Ҡаҙағстанға визиты ике ил араһындағы мөнәсәбәттәрҙе үҫтереү өсөн мөһим булыуын билдәләп үтте.

Рәсәй Президенты 25 октябрҙә Рәсәй-Ҡаҙағстан мөнәсәбәттәре юғары дәрәжәлә дип белдерҙе. 7 октябрҙә ул Ново-Огаревода Токаев менән осрашыу үткәрҙе. Ул ваҡытта Путин Ҡаҙағстан лидерының визиты мөһим ваҡиға булды дип билдәләп үтте.

Быға ҡәҙәр, 29 сентябрҙә, Ҡаҙағстан Президенты республика етәкселеге Рәсәй менән һәр яҡлап хеҙмәттәшлекте үҫтерергә ниәтләй тип белдерҙе. Мәскәү һәм Астана араһында төрлө тармаҡтарҙа, мәҫәлән сауҙа өлкәһендә, хеҙмәттәшлек итеүҙең күптәнге традициялары бар, тип билдәләп үтте Ҡаҙағстан лидеры.

ИЗВЕСТИЯ

Фото: РИА "Новости"