Яңы йыл ҡаласыҡтарын төҙөй башлайҙар

Башҡортостанда яңы йыл ҡаласыҡтары барлыҡ муниципалитеттарҙа ла бер үк ваҡытта асыласаҡ. Республика Башлығы Хөкүмәттең оператив кәңәшмәһендә датаны үҙҙәренә билдәләү һәм ошо ваҡытта байрам ҡаласыҡтарын асыу бурысын йөкмәтте.

— Беҙгә Яңы йылға әҙерләнергә ваҡыт, — тине Радий Хәбиров.  — Етем, йә ата-әсәһе хеҙмәт иткән йәки һәләк булған балалар беҙҙең иғтибар үҙәгендә булырға тейеш.

Республика етәксеһе Мәҙәниәт һәм Мәғариф министрлыҡтарына киләһе дүшәмбе был тема тураһында ентекле мәғлүмәт бирергә ҡушты.

Сығанаҡ: "Башинформ".