«Айыҡ ауыл» республика конкурсының муниципаль этабына йомғаҡ яһалды

 Ауыл биләмәренән барлығы биш ғариза килгән. Тәҡдим ителгән документтарҙы ҡарағандан һуң, конкурста ҡатнашыу өсөн өс тораҡ пункт рәхсәт ителә: Бишбүләк ауыл Советы ауыл биләмәһенең Алексеевка ауылы, Михайловка ауыл Советы ауыл биләмәһенең Игнашкин ауылы hәм Бикҡол ауыл Советы ауыл биләмәһенең Бикҡол ауылы. Конкурстың муниципаль этабында ҡатнашыусылар район комиссияһы алдында презентация материалдары тәҡдим итте, башҡарылған эштәр тураһында һөйләне. Михайловка ауыл Советы ауыл биләмәһенең Игнашкин ауылы «Айыҡ ауыл» конкурсының муниципаль этабында еңеүсе тип табылды.

— Игнашкин ауылында 56 кеше йәшәй. Өлкәндәр ҙә, йәштәр ҙә бергәләп берҙәм ғаилә булараҡ төрлө ижтимағи проекттарҙы тормошҡа ашыра, уртаҡ байрамдар үткәрә, уртаҡ эш өҫтөндә эшләй. Улар ғаилә ҡимәттәрен нығытыуға, һаулыҡты һаҡлауға hәм айыҡ йәшәү рeүешен пропагандалауға йүнәлтелгән, — тип белдерә Михайловка ауыл Советы ауыл биләмәһе башлығы Сергей Александрович Никитин. — Урындағы халыҡ күптән инде спиртлы эсемлектәр ҡулланыуҙан баш тартты. Сәсәләм йәшәү рәүеше алып барғанда, өмәләр үткәргәндә, территорияларҙы төҙөкләндергәндә, улар башҡа тораҡ пункттарҙа йәшәүселeргә нисек йәшәргә кәрәклеген күрһәтәләр. Планда Хәтер аллеяһын төҙөкләндереү, эскәмйәләр hәм урам спорт инвентары урынашлатырыу. Проект Башҡортостан Башлығы грантына тормошҡа ашырыла.

Муниципаль этапта еңеүсе тораҡ пункттар араһында республика этабы 2023 йылдың 1 декабренән 2024 йылдың 30 апреленә ҡәҙәр  кадeр уҙғарыла. Дөйөм приз фонды 40 миллион һум. Республика этабында еңеүселәр халыҡ һаны буйынса түбәндәге номинациялар буйынса асыҡланасаҡ: «Ҙур тораҡ пункттар», «Уртаса тораҡ пункттар», «Бәләкәй ауылдар». Еңеүселәр өс-алты миллион һум күләмендәге аҡсалата приздар аласаҡ. Бирелгән аҡсаны төҙөкләндереү өсөн тотонорға мөмкин.

Ирина ФОМИНА.