Беренсе Президентҡа һәйкәл ҡуйыласаҡ

Социаль селтәрҙә республикабыҙҙың тәүге Президенты Мортаза Рәхимовҡа һәйкәл асыласағы тураһында хәбәр таралды. Хатта буласаҡ һәйкәлдең нисек булыуы тураһындағы фотоһүрәт тә бар. 2024 йылдың 7 февралендә Мортаза Ғөбәйҙулла улы Рәхимовтың тыуыуына 90 йыл туласаҡ. Ошо датаға ҡарата республикабыҙҙың тәүге Президентына һәйкәл асыласағы билдәле булды.

Мемориал Ленин исемендәге паркта, Дәүләт Йыйылышы – Ҡоролтай бинаһы алдына ҡуйыласаҡ, тиҙәр. 

Тиҙҙән һәйкәл тураһында тулыраҡ мәғлүмәттәр булыр һәм беҙ һеҙҙе улар менән яҡынданыраҡ таныштырырбыҙ. 

Фото: асыҡ сығанаҡтан.

bashgazet.ru