2024 йыл - Башҡортостанда Һаулыҡ мөмкинлектәре сикләнгән кешеләр тураһында хәстәрлек йылы

Башҡортостанда һаулыҡ мөмкинлектәре сикләнгәндәргә ярҙам күрһәтеү өсөн булдырылған «Башҡортостан Республикаһында уңайлы мөхит» дәүләт программаһы раҫланды. Тейешле ҡарарға республика премьер-министры Андрей Назаров ҡул ҡуйған.

Программа һаулыҡ мөмкинлектәре сикләнгәндәрҙе йәмғиәткә яраҡлаштырыуға һәм уларҙың йәшәү кимәлен күтәреүгә булышлыҡ иткән хоҡуҡи, иҡтисади һәм институциональ шарттар тыуҙырыуҙы күҙ уңында тота. Шул иҫәптән йорттарҙа шарттар булдырыу, медицина, психологик һәм юридик хеҙмәттәр күрһәткәндә социаль оҙатыу, реабилитация һәм абилитация.

Хәтерегеҙгә төшөрәбеҙ, 2024 йыл Башҡортостанда Һаулыҡ мөмкинлектәре сикләнгән кешеләр тураһында хәстәрлек йылы тип иғлан ителде. Республика Башлығы Радий Хәбиров идара итеү командаһына 31 ғинуарға тиклем саралар планын раҫларға ҡушты.

https://www.bashinform.ru