Һынамыштар ни һөйләй?

Март башында сәпсек эсерлек һыу булһа, йәй яҡшы килер. 

Оҙон боҙборсаҡтар – яҙҙың оҙаҡ һуҙылыуына.

2 март болоттар тиҙ йөҙһә, аҙна-ун көн матур, аяҙ һауа торошо көтөгөҙ.
3 март һоло турғайы килһә, тиҙҙән йылы, ҡоро, яҙғы көндәр етер.

4 мартта буран булып, көрттәр хасил булһа, йәшелсә уңыр.

5 мартта ҡарғалар оя-оя осоп, уҡ булып аҫҡа атылһалар – ҡар көтөгөҙ.

6 мартта ҡоро һауа – көндәр йылытыуға.

7 мартта күк йөҙө аяҙ булып та ҡояш бик сығырға теләмәһә, һауа торошо боҙолор.

8 мартта ҡар төшһә, 8 апрелдә һыуыҡ булыр.

9 мартта ҡар яуһа, апрель дә шундай уҡ булыр.

12 мартта – йылы яҡтан иҫкән ел һәм тамсылар тамыуы – йылы йәйгә.

13 март көнө ямғыр яуһа, ямғырлы йәйгә.

14 март ниндәй – йәй шундай.

15 март көндө буран йәки ел булһа, йәшел үләндәр баш төртөүен тиҙ генә көтмәгеҙ.

17 март – ҡара ҡарғалар элекке ояларына килһә, яҙ иртә килер, һыуҙар тиҙ китеп бөтөр.

19 мартта тумыртҡалар туҡылдаһа, һыуыҡтар оҙаҡ дауам итә.

21 март көндө һабантурғайҙар килһә, яҙ килеп етте тигән һүҙ.

22 март йылы булһа, 40 көн йылы торор, был көн һыуыҡ булһа, 40 көнгә һуҙылған һыуыҡтар көтөгөҙ.

25 март көндө ямғыр яуһа, арыш уңа. Ала ҡарғалар ерҙән йәки ҡарҙан йөрөһә – көндәр йылыта.

27 мартта ҡар ҡояш йылыһынан иреһә – уңышлы йыл булыр, ямғыр яуып иреһә – ҡоролоҡ.

29 март ниндәй – апрель шундай.

30 мартта торналар килһә, кинәт йылыта. Гөрләүектәр аға башлаһа, йылғалар ташыу ҙа оҙаҡ көттөрмәҫ.

31 март кисендә йондоҙҙар ғәҙәттәгенән вағыраҡ күренһә – ямғырға. Ҡоштар ояларын көньяҡҡа үрһә – йәй һалҡын килер.

Интернет селтәрендәге асыҡ сығанаҡтан алынды.