Йылғалар ярҙарынан сығыуы ихтимал

Башҡортостан буйынса Ғәҙәттән тыш хәлдәр министрлығы идаралығынан хәбәр итеүҙәренсә, көндәрҙең йылыныуы һәм ямғырҙарға бәйле, ҡар нығыраҡ ирей.

Был иһә 27 – 29 мартта йылғаларҙың ҡапыл ташыуына килтереүе ихтимал.

Синоптиктарҙың күҙаллауына ҡарағанда, республикала йылғаларҙың 5 – 15  апрелдә асылыуы көтөлә. Ағиҙел бассейны йылғаларында һыуҙың юғары кимәле норма сиктәрендә көтөлә, ә уның өҫкө ағымында норманан 20-60 сантимертға юғарыраҡ була, тип фаразлана.

Ағиҙел йылғаһының көтөлгән иң юғары кимәле:

– Стәрлетамаҡ ҡалаһы: 430 – 530 сантиметр;

– Өфө ҡалаһы: 650 – 750 сантиметр;

– Бөрө ҡалаһы: 640 – 740 сантиметр;

– Шаҡша ҡасабаһы: 680 – 780 сантиметр.

Белорет, Стәрлетамаҡ, Өфө ҡалаларының түбән биләмәләрен һыу баҫыуы ихтимал, тип иҫкәртә Башгидромет.

bashkizi.ru